Viva Suecia, primeira confirmación dos concertos de Castrelos
O grupo murciano actuará en Vigo o venres 14 de agosto. Abel Caballero destacou as “miles de peticións” que tivo, especialmente tras a interacción da banda co Celta en redes sociais.
O alcalde desvelou esta mañá a primeira confirmación para o Vigo en Festas 2026. Trátase da banda Viva Suecia, que chegará a Vigo dentro da súa xira “Hecho en tiempos de paz”. A actuación terá lugar o venres 14 de agosto no Auditorio de Castrelos.
Viva Suecia é un dos grupos referentes do indie español que, co seu cuarto álbum “El amor de la clase que sea”, foi número 1 de vendas e Disco de Platino. Na actualidade conta con 1,4 millóns de oíntes mensuais en Spotify.
O rexedor destacou as “miles de peticións” que tivo para que o grupo murciano realizase o seu recital na cidade, especialmente tras a interacción en redes da banda co Celta en redes sociais, tras un gol do defensor sueco Carl Starfelt. Caballero rematou remarcando que “o día 14 de agosto Viva Suecia estará aquí” e “entón diremos viva Vigo e Viva Suecia”.