A Casa Galega da Cultura acolle a exposición de Mar Ramón Soriano
A obra da artista poderase visitar ata o 10 de agosto na Casa Galega da Cultura. O concelleiro de Cultura, Gorka Gómez, puxo de manifesto na presentación o valor destas creacións para a cidadanía e o valor que xenera para a rede de museos municipais. "Facemos unha forte aposta polos artistas mozos e mozas e que expoñan nun lugar con tanta historia como é a Casa Galega da Cultura no centro de Vigo", afirmou. A exposición de Ramón Soriano reúne obras anteriores e novas creacións específicas para este proxecto, explorando a relación entre o visible e o oculto, o superfluo e o indispensable. Tamén aborda o tempo na contemporaneidade, cuestionando como a eficiencia tecnolóxica impresiona a nosa forma de habitar e percorrer as nosas cotiandades.
