O alumnado do CEP Igrexa Valadares achégase á historia co programa "Aventura no Vigo Vello-Reconquista 2025'
O alcalde animou este venres aos 38 alumnos do CEP Igrexa Valadares que participan no programa didáctico ‘Aventura no Vigo Vello - Reconquista 2025’ a afondar no coñecemento da historia de Vigo a través do percorrido teatralizado polos puntos estratéxicos do barrio histórico e a asistencia á proxección na Casa Galega da Cultura do audiovisual que recrea a expulsión da cidade das forzas militares napoleónicas. Ata o día 11 de abril máis de 1.000 escolares de 20 centros participan na iniciativa docente do Concello de Vigo.
