Abel Caballero: “A conexión en Alta Velocidade entre Vigo e Madrid debe reducirse ata as 3 horas e 45 minutos”
O rexedor mantivo un encontro na xornada de onte co presidente de Renfe, Álvaro Fernández Heredia, na que lle trasladou esta reflexión
“Nestes intres hai 4 trens ao día de Alta Velocidade entre Vigo e Madrid” indicou o alcalde, explicando que ”2 deses trens teñen 8 e 9 paradas, iso non é Alta Velocidade”. Caballero explicou que “o tempo medio de viaxe destes trens é de 4 horas e 15 horas” e “pódese facer tecnicamente e sen forzar en 3 horas e 45 minutos”.
Abel Caballero sinala que "algunhas das cidades nas que fai parada teñen 37 trens diarios a Madrid e outras 8”, indicando que Renfe podería resolver esta situación "sen danar a estes municipios". O alcalde aproveitou para “dicirlle algo” ao presidente de Castela e León, Alfonso Fernández Mañueco, explicándolle que "foi o seu partido o que deixou a Vigo sen alta velocidade", indicando que lle gustaría no seu día “oír a súa voz solidaria" defendendo unha cidade "irmá e amiga", xa que “foi o seu partido o que nos obriga a dar unha volta de 100 quilómetros por Santiago".