Vigo, cidade de cor incorporará 8 novos murais que se sumarán ás 177 actuacións xa realizadas
O alcalde destacou esta mañá que xa son 177 as actuacións realizadas dentro do programa Vigo cidade de cor, unha cifra á que se sumarán proximamente 8 novos murais. O goberno local vén de contratar o décimo programa de medianeiras cun orzamento de 180.000 euros.
A Xunta de Goberno deu luz verde contratación das obras do X Programa para arrombar medianeiras, Vigo cidade de cor, dotado con 180.000 euros. Deste xeito, decoraranse oito novos murais que elevarán a case 190 as actuacións xa realizadas na cidade.
Esta ano os espazos serán os seguintes: Auditorio municipal de Teis (autora, Anna Langeheldt); muro do aparcamento da AAVV de Matamá (autora, Eva Casais); Travesía de Vigo, 222 (autora: Expostas); rúa Robleda, 118 (autor: Pablo Loyola); muro do campo de fútbol de Coia -na rúa Nigrán-, (autor, Slim Safont); paseo Avenida Castelao (autora, Vanesa Álvarez); pista deportiva da Salgueira (autor, Víctor Playincolors) e muro rúa Ourense esquina Romil (autor, Zesar Bahamonte).
Neste 2024 o programa de medianeiras arrincou o pasado mes de marzo cunha primeira actuación na Vía Verde que permitiu renovar a ponte á altura da rúa Coutadas, pintando e instalando unha pérgola téxtil a modo de marquesiña.