Concello de Vigo Vigo org
Xornalxornal.vigo.org
  


Noticias da semana

Suscribirse


 
venres, 15 de abril de 2011

Imprimir | Enviar | | Compartir:  


O alcalde presenta un proxecto de ampliación do colexio público de Navia e planifica a construción dunha escola infantil

Abel Caballero revelou este venres o proxecto de ampliación con dúas novas liñas do colexio público de Navia, elaborado polos técnicos do Concello e cun custo estimado en 10 millóns de euros. O alcalde xa adiantou que porá os terreos a disposición da Xunta de Galicia para que execute a ampliación. Caballero tamén adiantou que proxecta a construción dunha escola infantil na parcela, edificada polo propio Concello de Vigo, e incluirá as partidas precisas nos próximos orzamentos.




O alcalde de Vigo, Abel Caballero, presentou este venres un proxecto de ampliación do colexio público de Navia e adiantou que porá os terreos a disposición da Xunta de Galicia para a súa execución.

En declaracións aos medios, Caballero aseverou que "queremos que se amplie o colexio público de Navia" con dúas novas liñas, polo que presentou o proxecto elaborado polos técnicos municipais que cifra o custo da obra nuns 10 millóns de euros. O socialista tamén avanzou que os terreos, clasificados para uso educacional, serán postos a disposición do goberno autonómico.

Abel Caballero adiantou igualmente un proxecto de construción dunha escola infantil nos terreos de Navia, desta volta a realizar pola propia administración local, para o que incluiranse os recursos precisos nos próximos orzamentos.

"En Navia queremos unha gran ampliación do colexio público actual e unha guardería que construirá o Concello", concluíu o alcalde vigués, quen pediu á Xunta de Galicia que destine o investimento económico necesario á ampliación do centro de ensinanza.

O rexedor presentoulles o proxecto municipal de ampliación esta mesma mañá a representantes da Asociación de Nais e Pais de Alumnos e Alumnas (ANPA) do propio colexio Castelao, en Navia.
Mais noticias
Caballero ofertou a "cooperación" municipal no proceso productivo da industria da automoción
Xesus López presenta os actos do aniversario do Verbum, coas exposicións "Vigo, cidade Babel" e "Galiza nas ondas"
Vigo e As Palmas de Gran Canaria rubrican o seu Irmandamento
María Méndez comprométese a seguir colaborando coa asociación Avempo de atención ás persoas con esclerosis
Xabier Alonso anuncia que a Vigo Cup tamén se xogará no Municipal Pahiño e terá todas as finais en Balaídos
Danza e teatro infantil son as propostas do Auditorio Municipal para este fin de semana
10 ilustradores participan na exposicion "Soños ilustrados" na Escola de Artes e Oficios
Presentacion do libro "Laxeiro. Os escritos de Don Ramiro"
Peche ao tráfico da rúa Montecelo Alto
Peche ao tráfico dos túneles de Praza España, Martínez Garrido e Gregorio Espino
Cestería Tradicional-Programa Formativo maio/xuño 2011
Bases da convocatoria das subvencións para o fomento do asociacionismo e participación cidadá ano 2011
Proxecto sábados dinámicos 2011
Bases reguladoras e convocatoria específica para a concesión de subvencións a entidades e asociacións de carácter social, sen ánimo de lucro
Convocatoria bono-taxi para persoas con discapacidade
Exposición pública da matrícula do Imposto de actividades económicas 2011
Exposición pública do padrón do Imposto de vehículos de tracción mecánica 2011


Volver á portada

© Gabinete de Prensa - Concello de Vigo 2003