O alcalde asistiu este martes, coa primeira tenente de alcaldía, o delegado do Estado no Consorcio de Zona Franca, e directivos do Ministerio de Transportes e Mobilidad Sostible, AENA, a Axencia Estatal de Seguridade Aérea e de SAERCO, á operativa da nova torre de control dixital e remota do aeroporto de Peinador, a primeira das súas características en España.
O Concello iniciou esta semana as obras de humanización da rúa Pintor Colmeiro, entre as rúas Álvaro Cunqueiro e Tarragona, na que se instalarán catro rampas mecánicas cubertas e que teñen un importe de 2,5 millóns de euros.
O sábado 2 de agosto a rede de museos municipais de Vigo amplían o seu horario ata a unha da madrugada e ofrecen visitas guiadas, teatro, danza e concertos para conmemorar a Noite Branca.
O Concello puxo hoxe á venda as 5.000 reservas de platea para o concerto de Vanesa Martín, programado para o xoves 31 de xullo en Castrelos. Mañá mércores activarase a venda das reservas para o concerto de Jason Derulo, que se celebrará o domingo 3 de agosto e que será ás 23.00 horas. Na web municipal tamén se poden adquirir entradas para o recital de Rozalén, este xoves 24 de xullo.
O Goberno Municipal renovou por un ano o servizo de asesoramento a pequenas e medianas empresas da cidade. Expertos, cunha experiencia de ata 6 anos, apoian aos emprendedores no desenvolvemento dos seus proxectos empresariais. O contrato ascende a 146.383 euros.