O alcalde amosoulle esta mañá ao presidente do CSD, José Manuel Rodríguez Uribes, o estadio municipal de Balaídos. Vigo “xoga con vantaxe” porque só “ten que completar o aforo” mentres que “hai sedes recoñecidas que teñen que facer un estadio novo”, explicou Uribes.
O Concello expón na Praza do Rei a pancarta polo 8M, Día Internacional da Muller, co lema "Libres, fortes, unidas". O alcalde achegouse ata a entrada da Casa Consistorial xunto ás concelleiras e mulleres da sociedade civil para apoiar este acto e o amplo programa de actividades municipais para conmemorar este día. Na lona despregada pode lerse unha cita de Simone de Beauvoir: "O feminismo é unha forma de vivir individualmente e de loitar colectivamente".
O Concello colabora co Consello Superior de Deportes e a Fundación España Activa na estratexia nacional do fomento do deporte contra o sedentarismo e a inactividade física no marco 2025-2030. As actividades comezarán o 31 de marzo e desenvolveranse ao aire libre na Alameda de Bouzas, praza da Independencia e a peonil do Calvario.
A novena edición deste encontro celébrase o 13 e o 14 de marzo no Verbum coa presenza de 31 entidades expositoras e a participación de 40 centros escolares que se achegarán ás posibilidades formativas que ofrece a cidade.