O rexedor, xunto a primeira tenente de alcalde e o concelleiro de Deportes, visitou esta mañá o campo, no que o Concello levou acabo unha renovación integral cun custe de 350.000€.
Abel Caballero e o delegado da Zona Franca, David Regades, mantiveron unha xuntanza co CEO de Indra, José Vicente de los Mozos, que reiterou a súa intención de liderar a fabricación de chips fotónicos, o proxecto Sparc -promovido por Zona Franca -, unha vez coñecida a importancia desta iniciativa para a industria do entorno e da potencialidade de Vigo para encabezala.
Abel Caballero anunciou o inicio, mañá xoves 8 de agosto, do Marisquiño “máis olímpico”, por contar coa participación de deportistas que se desprazan a Vigo directamente desde as olimpíadas de Paris. “Serán 4 días de skate e de deportes urbanos, de festa e de atracción”, afirmou o alcalde. “A mellor fin de semana de deportes urbanos de todo o mundo”, destacou.
A comisión municipal de axudas de emerxencia aprobou esta semana a concesión dun total de 81 apoios por un importe de preto de 21.000 euros. A maior parte destínanse ao pago de alugueiros e alimentación, segundo remarcou este mércores o alcalde. “Nos, en Vigo, non queremos que ninguén quede abandoado á súa sorte”, afirmou.