Abel Caballero deu conta da participación do Concello na convocatoria do Plan de Recuperación, Transformación e Resiliencia do Goberno de España, financiado con fondos europeos Next Generation EU, para o fortalecemento da actividade comercial e turística, coa presentación do proxecto da rexeneración do paseo e a fronte marítima de Bouzas cunha solicitude de case 1.500.000 euros.
A Xunta de Goberno aprobou o modificado do importe do proxecto debido ao incrementos dos prezos na construción, que está financiado cos fondos FEDER da Unión Europea. O Concello xa ten aberta a licitación das primeiras tres formacións que impartiranse no mes de xuño.
Abel Caballero, xunto a Pity Domínguez, un dos organizadores do festival, e a Álvaro Pumares (responsable de Gallos del Norte) presentaron que a gran final galega de Gold Battle desenvolverase na nova praza.
A rúa Pontevedra recupera hoxe xoves a normalidade circulatoria tras quedar rematada a súa rexeneración, ao igual que Joaquín Loriga onde soamente quedan pendentes os remates.
Abel Caballero informou da publicación das bases do Programa de Emprego Municipal, dotado con 1,5 millóns de euros, que marca o inicio do procedemento para a contratación de 75 persoas da cidade.
O alcalde mantivo unha xuntanza co rexedor de Fornelos de Montes, Emiliano Lage, que lle trasladou o problema nunha parroquia da súa vila co abastecemento de auga. Abel Caballero explicou en declaracións remitidas aos medios que a parroquia non ten traída e, a consecuencia do cambio climático, os pozos que utilizan xa amosan escaseza de auga. Ambos mandatarios saíron satisfeitos da reunión para buscar solución a esta cuestión.
O rexedor estivo acompañado na presentación co delegado do Estado na Zona Franca, David Regades; a presidenta da Deputación de Pontevedra, Carmela Silva e os organizadores, Lalo García e Frankie Gómez. O evento celebrarase Palacio da Oliva os días 20 e 21 de abril e reunirá a todas as aceleradoras galegas e máis de cento cincuenta fondos de investimento. Caballero sinalou que “o congreso necesariamente tíñase que celebrar en Vigo porque é unha cidade con ADN emprendedor e onde se xeran proxectos á vangarda da economía”.
Abel Caballero felicitou no nome da cidade a Johannes Li, o primeiro diagnosticado de Asperxer que quere dar a volta ao mundo a vela en solitario, a quen recibiu este xoves no Concello. “Resulta entrañable e emocionante falar con el, como describe a ruta feita e a que lle queda por facer”, apuntou. O mozo navega na súa propia embarcación para dar visibilidade ao trastorno que sofre e para combater os estereotipos que persisten sobre o autismo e demostrando que é quen de completar o seu obxectivo de dar a volta ao mundo.