venres, 23 decembro 2022

Vigo aproba o seu décimo sexto orzamento consecutivo cun montante de 292 millóns para 2023

O Pleno deu luz verde definitiva ao orzamento de 2023, que se eleva a 292 millóns de euros, cos votos a favor do PSOE e o voto en contra do resto dos grupos políticos. Nunha rolda de prensa posterior, Caballero puxo en valor que se trata do décimo sexto orzamento aprobado de xeito consecutivo e afeou á oposición que voten en contra, entre outros aspectos, dos 33,8 millóns previstos no capítulo de investimentos.
O alcalde e a concelleira de Urbanismo, María José Caride, na sinatura da praza por parte de Noela Avendaño

O alcalde recibe a Noela Avendaño, nova funcionaria municipal

venres, 23 dec 2022

Abel Caballero saudou este venres a Noela Avendaño Paredes quen vén de acadar a súa praza de funcionaria na Xerencia Municipal de Urbanismo, logo de máis dunha década de traballo na entidade dependente do Concello. No acto de sinatura da súa praza, estivo acompañada pola súa familia e por representantes de Down Vigo que promove a plena integración das persoas con Síndrome de Down e discapacidade intelectual.