O goberno de Vigo aprobou este venres as normas para adxudicar as prazas dos centros municipais de cero a tres anos no próximo curso, coa principal novidade da gratuidade total do servizo, incluíndo o comedor, explicou Caballero. Ademais, o consistorio tamén lanza a convocatoria de subvencións para proxectos sociais.
Anni B Sweet, Digitalism Dj Set + Mwëslee, Hens, Taburete, Ladilla Rusa, Xisco Feijóo, A banda da loba, Ángel Stanich, Soleá Morente, Berto + Familia Caamagno, Lila Downs, Ortiga + Grande Amore e Delafé y las flores azules conforman o primeiro avance do cartel ao que se sumarán moitos nomes máis. As entradas xa están á venda a través de https://www.teuticket.com, contando as 100 primeiras de cada concerto, cun 25% de desconto.
Abel Caballero e Antonio Couce mantiveron este venres o seu primeiro encontro institucional no Concello, no que abordaron temas de interese da cidade e a situación actual de ambas institucións. Antonio Couce asume a responsabilidade da Comandancia Naval de Vigo, logo de ter estado no Mando Estratéxico de Transformación da OTAN en Norfolk, nos Estados Unidos.
Este domingo, 27 de marzo, celébrase o Día Mundial do Teatro e, coincidindo con esta data, o alcalde realizou unha visita ás instalacións da Escola Superior de Arte Dramática de Galicia, asinando no libro do centro acompañado do seu director Roberto Relova. No saúdo ao alumnado e profesorado do centro, Caballero destacou a importancia do teatro, en particular, e da cultura en xeral para o desenvolvemento das persoas e da sociedade, poñendo en valor a labor formativa da ESAD neste eido.
Abel Caballero saudou este venres á comunidade educativa do Colexio Salesiano María Auxiliadora de Vigo que se desprazou á Praza do Rei para amosar o seu rexeitamento ás guerras que teñen lugar en diferentes partes do mundo. Diante duns 900 alumnos do centro, congregados ao redor dunha pancarta co lema “Non ás guerras”, o rexedor condenou, especialmente, a invasión asasina de Putin e trasladou o apoio e solidariedade da cidade ao pobo ucraíno.