O alcalde participou esta mañá no acto simbólico de colocación da primeira pedra da obra de rexeneración do Paseo de Bouzas que ten un orzamento de licitación superior aos 3,7 millóns de euros.
As contas de 2022 serán aprobadas este mércores en sesión extraordinaria da Xunta de Goberno Local e Caballero avanzou hoxe algunhas das principais cifras: 40 millóns a Seguridade e Mobilidade, 43 a Fomento, Vivenda e Urbanismo, e case 54 a Benestar. Para o alcalde, son “os orzamentos máis sociais que tivemos nunca na cidade”.