O borrador do Plan Xeral que se aprobará a finais de agosto permitirá elevar a 3,5 millóns os metros cadrados de zonas verdes na cidade ademais de aumentar de 15 a 32 o número de parques de máis de 25.000 m2. Así o explicou María Xosé Caride nunha rolda de prensa no que tamén avanzou a construción de 14.500 vivendas de protección.
A concelleira de Política de Benestar Social, Yolanda Aguiar, cualificou a situación da cidade, con 5.500 familias agardando por unha vivenda protexida, de “emerxencia residencial”. “Demandamos á Xunta que execute o seu orzamento. A vivenda é competencia da comunidade autónoma”, subliñou.
O goberno municipal programa para esta fin de semana actividades musicais, infantís e de ocio coas que celebrar as festas parroquiais que este ano, por mor da pandemia, non poden desenvolverse coa normalidade tradicional.