Abel Caballero reclama á Xunta de Galicia a devolución da parte baleira do inmoble cedido polo Concello para o CEIP Ramón y Cajal, onde o goberno vigués prevé habilitar un novo centro de cero a tres anos, permanente e que ademais acollería provisionalmente aos usuarios da escola de Santa Marta mentres duren as obras do Barrio do Cura. Sería a décima gardería municipal da cidade.
O alcalde avanzou esta mañá a súa vontade de volver a enviar a Patrimonio a iniciativa para renovar a iluminación do Monte de A Guía, unha vez que o departamento autonómico cuestionou o proxecto en base a criterios subxectivos. Caballero afeou á Xunta que rexeite neste espazo o modelo de luminaria que si autorizou no Parque de Castrelos, unha zona BIC, con moito maior grado de protección patrimonial.
O Concello de Vigo iluminará este luns a Fonte de Aragón con motivo do Día da Concienciación do Síndrome de Angelman, unha enfermidade rara de trastorno xenético que provoca problemas de fala e discapacidade intelectual. O alcalde tamén enviou o seu o apoio e o da cidade aos nenos, familias e colectivos como Bicos de Papel no Día Internacional do Neno con Cancro.