As obras do novo acceso á Autoestrada do Atlántico (AP-9) desde o centro da cidade obrigan ao Concello a poñer en marcha un plan de tráfico desde o vindeiro 12 de xaneiro. A actuación inclúe a derruba do paso elevado da rúa Alfonso XIII e a construción dun túnel. Tamén a próxima semana comeza a reforma da Praza Estación.
O equipo dirixido por Abel Caballero aprobou este xoves os proxectos básico e de execución, trámite previo á licitación do concurso público para acometer a renovación do céspede artificial e das instalacións de luz e enerxía do terreo de xogo de Cabral.
O alcalde participará o vindeiro 15 de xaneiro no claustro conmemorativo do centenario da institución, un acto ao que foi convidado este xoves por Consuelo Currás e Araceli González, directora e vicedirectora, respectivamente, da Escola de Estudos Empresariais da Universidade de Vigo.