A Xunta de Goberno Local validou este xoves o proxecto que soterrará o tráfico e fará peonil a Porta do Sol, obra que inclúe unha rampla mecánica desde Carral. A adxudicación foi gañada pola UTE Civis Global e Gevora Construccións por un montante de 13,4 millóns de euros.
O goberno local supervisará a través de satélite a limpeza das máis de 34.000 parcelas incluídas no Plan de prevención de defensa contra incendios forestais do Concello de Vigo. A Xunta de Goberno vén de aprobar provisionalmente un documento que delimita a rede de faixas secundarias que deben ser atendidas polos propietarios das fincas e nas que actuará o Concello de xeito subsidiario se fora preciso.
Abel Caballero deu conta este xoves da adxudicación en Xunta de Goberno Local das obras dos campos de fútbol do Monte da Mina, San Andrés de Comesaña e As Relfas-Sárdoma por un importe total de 697.000 euros. A actuación está incluída no convenio entre o Concello e a Deputación de Pontevedra para 11 campos e 4 pavillóns.
O alcalde e o director xeral de Vego Supermercados, Joaquín González Iglesias, asinaron este xoves o convenio de colaboración para realizar as actividades do programa "Camiño a Camiño" cun importe de 15.000 euros.
A iluminación navideña da cidade vén de ser recoñecida no transcurso da XVII Gala do Turismo e Gastronomía de Galicia que congregou a diferentes profesionais do sector turístico galego. Abel Caballero comunicou este xoves a recepción do premio que "aceptamos coa satisfacción de crer que estamos facendo un bo traballo e agradecémolo moito".