O grupo do Goberno aprobou un transvase de créditos para o financiamento das festas do verán e de festivais internacionais como O Marisquiño. Esta modificación orzamentaria -de 1,1 millóns – terá un importante retorno económico para a cidade e a súa área de influencia, segundo explicou o concelleiro de Facenda, Jaime Aneiros.
Abel Caballero participou este luns no izado da bandeira azul na praia de Samil, unha das 10 que conseguiu o Concello este ano, e destacou o operativo municipal de socorrismo, salvamento e asistencia sanitaria que ten unha dedicación de medio millón de euros.
Coa adxudicación do estudo e seguimento hidroxeolóxico do tramo Vigo-Ourense do AVE cun importe de 1,8 millóns de euros, o alcalde salienta que "o Goberno de Pedro Sánchez "dá un paso extraordinario e importantísimo".
Desde o 3 de xullo ata o 31 de xullo, os interesados poden optar ás bolsas de libros e comedor escolar do Concello de Vigo, segundo informou este luns Abel Caballero. O alcalde recordou que non existe lista de agarda na convocatoria e que a partida económica total, de dous millóns de euros, será ampliada de ser necesario. <br />
A reunión mensual da xunta directiva do Círculo de Empresarios de Vigo, presidida por Patricia García, celebrouse hoxe no Concello coa asistencia do rexedor, que estivo acompañado pola tenente de Alcalde, Elena Espinosa, e o concelleiro Abel Losada. Entre outros temas, abordaron a defensa do AVE directo entre Vigo e Madrid así como diferentes vías de colaboración entre o empresariado e o goberno municipal.