Abel Caballero presentou esta mañá as grandes liñas do maior orzamento da historia da cidade que en 2019 alcanzará os 257,5 millóns. Co obxectivo de seguir estimulando a economía e unha clara vocación social, os investimentos superarán os 30 millóns, un 17,2% máis que en 2018 e a política social alcanzará os 17,5 millóns, un 18,2% máis que o pasado exercicio.
O alcalde de Vigo, Abel Caballero, informou de que esta semana comezou a reforma da Praza dos Volcáns de Coia, situada no cruce de Castelao con Tomás Paredes, na que se inclúe unha cascada e unha pérgola. As obras, cun investimento de 500.000 euros, están incluídas na construción do carril bici.
Segundo informou este xoves o alcalde, o goberno de Vigo adxudicou a concesión dos estacionamentos soterrados cunha diminución do 6% nos prezos das prazas de rotación e un incremento do canon a ingresar pola empresa no Concello. Para Caballero, o novo contrato é "bo para os cidadáns e bo para as arcas municipais".
Os días 26 e 27 de outubro, o peirao de transatlánticos acollerá a iniciativa "Vén e verás", promovida pola asociación "Abre os teus ollos" co obxectivo principal de previr, detectar e atención de posibles problemas visuais e auditivos en colectivos vulnerables.
"A principal preocupación do sistema produtivo ten que ser a seguridade", destaca Caballero na inauguración do II Congreso Internacional.