Abel Caballero informou este venres de que o vindeiro 7 de setembro haberá un pleno extraordinario no que se tratará o accidente ocorrido o pasado día 12 durante o festival de O Marisquiño. Ademais, sinalou que a oficina de atención aos afectados estará aberta o luns.
As cifras de turismo rexistradas ata o mes de xuño en Vigo apuntan a un novo incremento da chegada de visitantes e a un récord total con 229.000 visitas e 440.000 pernoctas. O alcalde valorou os datos e destacou que "a cidade xa foi capaz de ter a súa propia pata turística" ata converterse "no segundo lugar máis visitado de Galicia" grazas ás Cíes.
Informou Abel Caballero este venres da aprobación dos expedientes de contratación da quinta fase da humanización de Aragón e da terceira de Gregorio Espino. O Concello remodelará Aragón entre Padre Celso e a Travesía e dous tramos de Gregorio Espino: entre Jenaro de la Fuente e Urzáiz, e de San Roque ás rúas Aguia e Reiseñor.
Abel Caballero visitou este venres a praia de Argazada, xunto a Samil, onde o goberno vigués promove en xullo e agosto o programa "Libros ao sol". O alcalde subliñou o éxito dunha iniciativa coa que se procura fomentar a literatura galega e a lectura en galego.