O rexedor deu conta esta mañá nunha nova cesión de Adif dunha parcela na zona da rúa Navarra que permitirá que a Senda Verde chegue á Vía Norte. Deste xeito estes 4 quilómetros de trazado serán accesibles desde o centro da cidade o que facilitará nun futuro próximo a súa integración dentro dos carrís bici xa en marcha en Vigo.
O alcalde anunciou este venres que desde o vindeiro luns a praia de Samil disporá dunha biblioteca na que será posible solicitar préstamos de libros e que levará a cabo actividades, entre outras concursos, contacontos e música.
Concello e Deputación seguen adiante coa recuperación de Finca Solita, coa clasificación de ofertas para a contratación das obras de consolidación e accesibilidade. O custo da actuación elévase a 318.000 euros, dos que 277.000 son achegados polo organismo provincial.