O alcalde recibiu este martes ás responsables da aeroliña, que unirá Vigo con Gran Canaria dúas veces por semana desde o 3 de maio. O Concello colaborará con Binter, que se implanta en Vigo sen ningunha axuda pública, o que evidencia a "potencialidade" do aeroporto vigués. Caballero destacou o crecemento "constante" de Peinador desde xuño de 2015.
A modificación puntual do PEPRI Casco Vello na zona da Panificadora "segue a velocidade de cruceiro" segundo avanzou esta mañá o rexedor, unha vez recibido informe favorable da Consellería de Medio Ambiente. Ao mesmo tempo, o Concello xa está a traballar coa Zona Franca no convenio de cooperación. <br />
O alcalde informou de que a concesionaria Aqualia levará a cabo un sistema integral articulado a través dos investimentos pactados no contrato. A actuación permitirá que non sexa necesario cortar o abastecemento en caso de avarías.
Tras unha reunión na tarde deste luns cos organizadores, o alcalde garantiu a colaboración do Concello de Vigo nos actos de homenaxe ao deportista, como "recoñecemento" ao propio Salvo e pola "importancia" do baloncesto en Vigo. A organización, salientou Caballero, negocia a presenza do Real Madrid na cidade.
Paliar as deficiencias estruturais do Álvaro Cunqueiro, que teña un aparcadoiro gratuíto ou que Vigo deixe de liderar as listas de agarda máis longas de Galicia son algúns dos motivos que esgrime a Xunta de persoal do Chuvi para convocar unha manifestación o próximo xoves 12 de abril. Como xa fixera días atrás, o rexedor animou a todo Vigo a participar nesta mobilización en defensa da Sanidade.
Abel Caballero achegouse esta mañá ao Auditorio Municipal para participar na entrega dos premios da XV Edición do Concurso Dixital Infantil Internacional de Aqualia. Baixo o lema "Misión Depuración", presentaron a súas creacións alumnos de máis de 30 colexios e se entregaron 12 galardóns.