O alcalde presentou esta martes o anteproxecto do Anel Verde de Vigo (AVV) que, con case 50 km, conectará Teis ata Saiáns circunvalando toda a zona urbana. Traballando cun horizonte temporal de vinte anos, explicou que o obxectivo é previr os incendios e facilitar a extinción no caso de que se produciran.
Cos balances de 2017 pechados, o alcalde de Vigo e presidente da FEMP explicou que o superávit das Corporacións Locais ascendeu a 6.812 millóns, unha achega que permite a España cumprir os obxectivos europeos de déficit. Con esta "fortaleza moral", Abel Caballero reclama iniciar as negociacións dun novo teito de gasto e do novo modelo de financiamento local.
O alcalde avanzou que na mañá deste martes produciuse a reversión da propiedade do Auditorio Mar de Vigo, polo que o Concello xa xestiona directamente a infraestrutura e se aforrará, entre outras cousas, o aluguer das instalacións da aula da Universidade Nacional Española a Distancia (UNED).
O alcalde recibiu este martes ao vigués José Lago Ochoa, comandante do portaaeronaves "Juan Carlos I". Abel Caballero destacou o feito de que un veciño da cidade fose o máximo responsable da nave de maior importancia da historia da Armada Española. "Ten hospitais que poden chegar en calquera momento a calquera sitio e necesítase unha cualificación moi importante para comandar este barco", sinalou.
O alcalde de Vigo recibiu este martes a bandeira do Secretariado Gitano con motivo do Día Internacional do Pobo Xitano que vaise a celebrar o vindeiro 7 de abril. Abel Caballero destacou a colaboración que lle presta o Concello de Vigo para a integración. Precisamente, os representantes do Secretariado presentaron ao rexedor un proxecto destinado á integración do pobo xitano.