O alcalde reiterou esta mañá o seu compromiso de financiar a obra do transvase de auga desde o Verdugo ata a presa de Eiras, unha vez comunicada á Xunta a súa decisión de que sexa a administración autonómica a que execute os traballos. Na rolda de prensa, tamén avanzou que o Concello xa traballa noutras opcións de emerxencia como o transporte de auga en barcos.
O goberno de Vigo culminou a primeira fase da humanización da rúa Álvaro Cunqueiro, que supuxo a remodelación de toda a coroa circular interior e o entronque con Pintor Lugrís. O alcalde explicou que o Concello instalou na rúa paneis informativos que se completan cunha plataforma online a través de códigos QR.
O Concello deu o primeiro paso para arranxar as zonas públicas danadas polos incendios, co iniciou da modificación do contrato de acondicionamento e arranxo de infraestruturas municipais. Deste xeito, explicou o rexedor, arrancamos coa recuperación dos espazos públicos afectados polos lumes dos pasados 15 e 16 de outubro.
Dende as 19:00 horas deste xoves poderá visitarse o belén monumental que ocupa 100 metros cadrados e do que Caballero destaca o seu "nivel artístico". O rexedor informou tamén dos reforzos de Vitrasa de cara ás festas de Nadal.