O alcalde detallou esta mañá que o Programa municipal de axudas a familias, dotado con 1.6 millóns, permitirá conceder 1.454 achegas para vivenda, 1.947 para alimentación e, por último, 1.898 para subministros. Os beneficiarios poderán pedir cita para recoller a súa achega a partir do mércores 5 de xullo.
O Concello pon en marcha a segunda quenda de VigoEmprega que, cun orzamento de 658.706,81 euros, permitirá contratar 94 traballadores. Estes profesionais comezarán a desenvolver a súas tarefas a partir do 1 de outubro en distintos servizos municipais.
Abel Caballero achegouse este venres á xornada de portas abertas de Alborada no recinto de 5.000 metros cadrados que ocupa en Cotogrande, onde leva adiante o Programa Verdear, unha iniciativa de formación en agricultura ecolóxica para aqueles usuarios que se atopan en risco de exclusión social.
Desde o primeiro de xullo, informou este venres Abel Caballero, o goberno vigués arranca en Samil co servizo de seguridade e accesibilidade para o baño das persoas con mobilidade reducida. O Concello ten dúas cadeiras para Samil e outras tantas no Vao, que poderán ser empregadas en horario de mañá e tarde.
O alcalde de Vigo, Abel Caballero, presentou nas instalacións municipais de Máis que Auga Barreiro a quinta edición do Trofeo Concello de Vigo de pádel, que se celebrará dende o 1 ao 9 de xullo tanto nas pistas de Barreiro como nas de MQA Navia.