O Concello, explicou o alcalde, procura así salvar a anulación do PXOM de 2008, subsanando deficiencias do Plan do 93 agora en vigor, blindando zonas de ordenación especial e polígonos con licenza no Plan de 2008, e ordenando ámbitos de especial interese, como o Porto de Vigo.
A nova liña de autobús que unirá Teis co hospital Álvaro Cunqueiro arrancará o próximo martes 2 de maio con dúas frecuencias diarias -ás 07,45 e 11,00 h- que sairán desde García Barbón "Calzada". Estas conexións, segundo explicou o rexedor, poderán incrementarse nun futuro se así o requirira a demanda.
Abel Caballero informou este luns da licenza concedida autorizando a demolición de distintas zonas do antigo Hospital Xeral, como primeira parte da rehabilitación do inmoble como sede das dotacións xudiciais na cidade. "Con esta licenza iníciase a obra da nova Cidade da Xustiza de Vigo", manifestou o alcalde.
O alcalde de Vigo participou este luns na presentación da Challenge Cup, a competición da Federación Internacional de Baloncesto en cadeira de rodas que se disputa en Vigo entre o 28 e o 30 de abril nos polideportivos municipais de Navia e Bouzas.