Na Praza do Rei, a Corporación Municipal de Vigo gardou este martes tres minutos de silencio en repulsa polo asesinato onte en Chapela dunha muller de 52 anos, vítima supostamente dun crime machista debido á explosión da súa vivenda.
Os membros do goberno da Área Metropolitana avanzaron esta mañá no Plan de Traballo cuadrienal coa constitución de cinco comisións que dotarán de contidos este programa marco. Tal e como detallou o rexedor, traballarase no eido da economía, do emprego, do social, das infraestruturas e do turismo e da administración.
Dende hoxe martes poden desprazarse en transporte público urbano os primeiros catro usuarios de cadeiras de rodas motorizadas, logo de realizaren un curso formativo para o seu manexo. Vigo é a primeira cidade galega en activar este sistema.
Este foro -integrado por Concello, Xunta, Porto, Zona Franca e asociacións de transporte e loxística- trataría do acceso dos vehículos pesados deste Teis ao centro e tamén da chamada "Cidade do Transporte". Tras reunirse con empresarios do sector, Caballero anunciou que remitirá unha carta a Núñez Feijóo coa proposta.
Abel Caballero informou este martes da sinatura ante notario da cesión á Xunta de Galicia de parcelas de solo residencial -en Chantada, Ignacio Grobas e Cambeses- que farán posible construir 62 vivendas de promoción pública. O alcalde cifrou en 1,2 millóns o valor dos terreos.