O alcalde rubricou este martes o contrato de reforma integral da bancada de Río do estadio de Balaídos, toda vez que o Tribunal de Recursos Contractuais rexeitou o recurso que tiña suspendida a obra. Logo de Tribuna, o goberno de Vigo continúa con Río a remodelación integral do recinto.
Abel Caballero reuniuse este martes con representantes dos colexios profesionais de economistas, arquitectos e arquitectos técnicos a quen lles transmitiu a súa "enorme preocupación" porque o Goberno non contempla a chegada do AVE á cidade, o que considera unha "ameaza" porque é un "tema central" para Vigo.
Tras a reunión do alcalde de Vigo e presidente da FEMP coa vicepresidenta do Goberno e o Ministro de Facenda, o Goberno comprometeuse a crear dous grupos de traballo para abordar o teito de gasto e o financiamento local que requiren o desenvolvemento dunha lei que permita investir o superávit aos municipios.