A Xunta de Goberno Local deu luz verde este venres ás bases e convocatoria para a adxudicación das 657 prazas de "Vigo en Inglés" que oferta este ano o Concello para alumnado de 3º da ESO. Segundo recordou Abel Caballero, o goberno de Vigo dispón no 2017 de 749 vacantes deste programa, que inclúe 92 bolsas para estudantes da Escola de Idiomas.
O alcalde asinou este venres un protocolo de colaboración coa cadea de supermercados que asumirá o custo da instalación dunha unidade semafórica na contorna do seu establecemento na Avenida da Florida.
O alcalde recibiu este venres á nova subdelegada do Goberno na provincia de Pontevedra, Ana Ortiz, a quen lle deu a benvida ao cargo e coa que quere manter unha relación "tan boa, e se é posible aínda mellor, que a que tiven co seu antecesor", Antonio Coello. Abel Caballero explicou que a boa relación institucional no plano da lealdade está marcada pola cooperación, especialmente entre as policías, para "mellorar a eficiencia da acción conxunta", e agarda que continúe nesta liña.
Abel Caballero mantivo un encontro este venres con Manuel Teijeiro, novo comisario Xefe da Comisaría de Policía de Vigo-Redondela a quen lle manifestou a vontade do Concello de continuar coa relación fluída que teñen establecida ambas institucións a través, entre outros, do órgano de coordinación da Policía Local e a Nacional que se reúnen "practicamente" todas as semanas e que permite traballar con eficacia de forma conxunta.