O Concello enviou este mércores á Xunta de Galicia algúns cambios a introducir no borrador de Lei de Área Metropolitana de Vigo, "modificacións menores" -pois "o máis importante está recollido"- que xa foron pactadas e versan sobre o papel da cidade olívica, o transporte e o financiamento. "Creo que temos un consenso practicamente total", concluíu Caballero.
Abel Caballero instou á cesión da titularidade da AP-9 no tramo urbano, desde a saída a Buenos Aires ata o centro da cidade. O alcalde ve necesario a construción de dúas glorietas na entrada do nomeado vial, que sufragaría o Ministerio de Fomento.
O alcalde de Vigo achegouse este mércores ao edificio municipal de Areal, onde se presentou, coa presenza do rexedor do municipio coruñés, a XXVI Mostra de Encaixe de Camariñas -que se celebra do 23 ao 27 de marzo, de 11 a 21 horas-. O programa inclúe desfiles, concertos, visitas guiadas e actividades deportivas.
O alcalde, Abel Caballero, e a presidenta provincial, Carmela Silva, presentaron este mércores a proxeción do filme colaborativo da iniciativa "Cinema e Muller", unha proposta multidisciplinar que procura dar visibilidade á creación artística das mulleres a través de proxeccións, charlas e desta película, conformada por dez microcurtas dirixidas por cineastas, que se estrea este mércores, ás 20:30h no Auditorio Municipal do Concello.
Abel Caballero participou este mércores na entrega dos premios a 32 nenos e nenas de entre 6 e 12 anos, que foron seleccionados entre os traballos dos 2.800 escolares participantes dun total de 29 colexios vigueses. O alumnado traballou sobre a temática "Debuxando o Nadal".