O goberno local deu comezo aos traballos de preparación e aos trámites urbanísticos precisos para construír no novo hospital un aparcadoiro gratuíto de 500 prazas. Caballero amosou en rolda de prensa a súa preocupación pola seguridade dos usuarios que aparcan os vehículos en zonas perigosas por non pagar os elevados prezos do parking privado.
A partir das catro da tarde de mañá sábado, 60 perruqueiros ofertarán os seus servizos por sete euros na rúa Príncipe. A recadación será destinada integramente á Asociación Española contra o Cancro de Vigo.
O alcalde asinou esta venres os convenios de cesión das instalacións do Instituto Municipal dos Deportes, que permitirá que os centros de Ensino Secundario da cidade e un centro de educación infantil e primaria empreguen estes espazos para realizar as actividades deportivas co seu alumnado. <br />
Abel Caballero asinou este venres un convenio de colaboración co grupo Vegalsa-Eroski, representado polo seu director xeral Joaquín González Iglesias, mediante o cal o grupo empresarial se compromete a facer unha achega de 15.000 euros para o programa "Camiño a Camiño", que inclúe rutas por Vigo e os arredores da cidade.