Abel Caballero respaldou esta mañá a solicitude do alcalde de Vilaboa de formar parte da área metropolitana. Con este municipio, o número de membros deste ente pasaría dos 14 actuais a 18, tendo en conta que tamén solicitaron a súa entrada Tui, Tomiño e A Guarda.
No Día Europeo sen coche, o Concello de Vigo recibiu nas mans do concelleiro David Regades un premio nacional polas medidas implementadas nos últimos anos en favor da mobilidade. Ademais, esta mañá o rexedor entregou os premios dun concurso escolar de pintura baixo o lema: Elixe, cambia, combina a túa mobilidade na túa cidade.
Abel Caballero desexou sorte esta mañá de martes aos 15 axentes da Policía Local que competirán os próximos mércores e xoves no Campionato de España de fútbol 7 para forzas de seguridade, emerxencias e forzas armadas 2015. O torneo se celebrará na localidade madrileña de Pinto.
O alcalde de Vigo considera que as bolsas de inmersión lingüística en inglés que concede o goberno local son un "proxecto de envergadura" xa que serven aos estudantes para formarse e dominar o idioma. Este martes partiron cara Reino Unido 214 mozas e mozos dende o aeroporto de Peinador e o xoves viaxará un grupo de 75 con destino a Irlanda.