Abel Caballero visitou hoxe luns un dos campamentos urbanos organizados polo Concello, desta volta en Bouzas, dentro da programación municipal de accións infantís e xuvenís durante o verán. O Concello oferta 19.500 prazas en case 200 actividades, todas cubertas a falta de pechar 170 vacantes para un campamento en agosto nas Travesas.
Xunto aos organizadores, o alcalde presentou este luns a segunda edición de VIKUL, o Encontro Internacional de Danza Urbana de Vigo, que se celebrará no Verbum entre os días 18 e 20 de xullo. Clases maxistrais de artistas nacionais e internacionais compartirán cartel con actuacións na rúa, obradoiros de danza e graffiti para os máis pequenos e un gran flashmob de peche.
O alcalde e a presidenta da entidade rubricaron este luns un convenio de colaboración polo que o goberno de Vigo financia as accións de Dorna en Coia, apoiando o mantemento do "Punto Informa" que teñen no barrio e o concurso escolar que organizan para previr a violencia á muller.