O Pleno aprobou definitivamente hoxe xoves a modificación da ordenanza ás compañías de telefonía móbil e da taxa ás empresas polo uso das galerías soterradas municipais, co apoio de PSOE e PP e a abstención do BNG. Por estes conceptos, o goberno de Vigo prevé recadar 775.000 euros o próximo ano, que investirá en política social, educativa e emprego.
O alcalde rubricou este xoves os convenios polo que o Concello de Vigo achega outros 213.000 euros aos comedores da cidade para apoiar a súa laboura social. Caballero recordou que o goberno local achega este ano 636.000 euros ao efecto, polos 75.000 euros destinados no 2011.
O alcalde informou este xoves da adxudicación, en Xunta de Goberno Local, de 46 bolsas para estudantes da Escola Oficial de Idiomas de Vigo, cun importe de 80.000 euros. Londres segue a ser o destino principal, con 33 achegas concedidas da convocatoria, que inclúe tamén Franca, Alemaña, Italia, Portugal, China e Xapón.
O alcalde de Vigo explicou hoxe xoves que técnicos municipais serán os encargados de redactar o Plan Especial do Ensanche, unha vez que na Xerencia de Urbanismo se rescindira co contrato asinado en 2005 coa empresa Consultora Galega S.L. Esta decisión permitirá ao Concello aforrar 300.000 euros.
Abel Caballero felicitou ao colectivo educativo do Fontescura polo seu traballo, un centro para 60 alumnos, nalgúns casos con necesidades educativas especiais. Este xoves celebran unha festa de Nadal e boa parte do profesorado levaba a camiseta verde en defensa da educación pública, o que vén sendo unha "constante" nos colexios que visita, indicou o alcalde.