Durante o acto formal de entrada da mexicana en Barreras, o alcalde recordou que o estaleiro vigués é unha "institución" no naval español e a chegada de Pemex "alegra a toda a cidade" porque conlevará a recuperación da actividade -con catro novos barcos- e do emprego. Caballero agradeceu o "esforzo" do presidente e dos traballadores.
O alcalde explicou este luns que o Concello reparará os contrafortes da grada de Río, substituirá a cuberta e arranxará os soportes da mesma, e mellorará os accesos e a iluminación da nomeada área. O goberno local reserva un millón para Balaídos dos seis disponible grazas ao superávit conseguido no ano 2012.
A partir de setembro do ano que vén, a UNED de Vigo incorporará paulatinamente as carreiras universitarias de dereito, educación social, inxeiñeiría informática, inxeiñeiría en tecnoloxías da información e turismo. Tal e como explicou o rexedor, o Concello correrá con todos os gastos da Aula de Ensino Superior a Distancia porque "nin Deputación nin Xunta" cooperar no finanzamento.
O primeiro edil achegouse esta mañá ao centro Frián Teis para felicitar a toda a comunidade educativa polo Premio Nacional de Ensino 2013 que veñen de recibir. Caballero resaltou a capacidade integradora do proxecto gañador: A lingua sabe a pan.