martes, 3 xan 2012
O alcalde de Vigo, Abel Caballero, e o concelleiro de Deportes, Manel Fernández, presentaron hoxe a primeira edición da carreira popular Correndo por Vigo, que discorrerá este domingo, ás 11:00 horas, por Travesía de Vigo, Jenaro de la Fuente e rúa Aragón. É a primeira "popular" do 2012 na cidade.<br />
martes, 3 xan 2012
Abel Caballero avanzou esta mañá que a xestión do Arquivo Pacheco, un "magnífico proxecto" sairá a concurso público para que se poidan presentar todas as empresas que así o decidan. O rexedor ratificou a vocación política do Executivo local de manter esta mostra porque "é unha das grandes riquezas da cidade, memoria vivinte dos últimos 100 anos".
martes, 3 xan 2012
Abel Caballero recibiu esta mañá aos responsables da Asociación de Mariñeiros de Embarcacións tradicionais para avaliar a marcha do convenio de colaboración suscrito entre o colectivo e o Concello. Ao longo do encontro, os responsables da entidade trasladaron ao rexedor o seu interese por construír un local social en Bouzas. Ademais, abordouse a posibilidade de aumentar a colaboración da Asociación co Concello, unha relación que nestes momentos está plasmada nun convenio polo que manteñen as embarcacións construídas nas Escolas Mar de Vigo.
