O alcalde presentou o programa de actividades de verán nas prazas e parques para maiores
O alcalde, Abel Caballero, e a concelleira de Política de Benestar, Isaura Abelairas, presentaron este luns as actividades gratuitas de verán que organiza o Concello, de luns a venres durante xullo e agosto, nas prazas e nos parques biosaudables. Caballero definiu o programa como unha "fórmula para combinar o exercizo e o divertimento" e apuntou que este ano inclúe monitores como novidade. O alcalde avanzou que o goberno local estuda instalar outros 30 parques biosaudables en Vigo.
