Verán no Verbum - Campamentos Abertos 2011
Un ano máis o Verbum organiza campamentos abertos de Verán. Este ano con novidades ao trasladar a súa celebración ao mes de agosto, e ao traballar con dúas temáticas, unha sobre a animación á lectura, que terá lugar na primeira quincena, e outra relacionando o museo co seu entorno natural, facendo unha campaña de concienciación co medio ambiente. As actividades están dirixidas a rapaces de 5 a 12 anos e desenvolveranse de martes a venres en horario de 10 a 14h. Este ano as actividades serán gratuítas.
