Abel Caballero reuniuse este luns coas tres centrais sindicais e avanzou que o Concello e os sindicatos citarán -hoxe mesmo e "unha por unha"- a cada empresa adxudicataria das obras do Plan E para que cumpran coa súa "obriga" de xerar emprego. De non facelo, o alcalde adianta que levantaranse actas sancionadoras cara a futuros concursos públicos.
Os 120 contedores soterrados da cidade carecen dun servizo de mantemento e reparación desde a súa instalación inicial, tramitación que continua o Concello cun orzamento de 53.000 euros. A Xunta de Goberno Local aprobou asemade este luns a adxudicación das 125 bolsas para escolares vigueses que estudarán inglés este verán no Reino Unido e Irlanda.
Abel Caballero recibiu este luns a Álvaro Mendonça e Moura para pasar revisión aos proxectos conxuntos de Vigo e Portugal, como as infraestruturas en marcha, e constataron asemade o papel relevante de PSA en Vigo como dinamizador das empresas de compoñentes da cidade olívica e do norte de Portugal.
O concello de Vilanova de Gaia, organizará máis de 300 actos nos meses de verán co gallo da primeira Capitalidade Cultural do Eixo Atlántico que lle foi concedida por parte da entidade transfronteriza. Xoan Vázquez Mao, secretario Xeral do Eixo e Mario Dorminsky, concelleiro de Cultura de Vila Nova de Gaia, presentaron hoxe a programación, entre a que descacaron o evento turístico Expo Cidades, o Eixorap e o punto de encontro entre escritores galegos e portugueses.