O Goberno local aprobou a realización dun curso de condutor/a de carretilla elevadora durante 2007, que se desenvolverá na empresa Limber Multiservicios. O alcalde, Abel Caballero, asinou este xoves o convenio de colaboración para o desenvolvemento desta iniciativa.
Facer chegar a música clásica a todos os públicos. Este é o obxectivo fundamental do Festival de Música de Vigo Are-More 2007, que foi presentado este xoves no Concello. Do 30 de outubro ao 17 de decembro, variadas propostas, entre as que se inclúen conferencias e cine musicado, repartiranse por diversos puntos da cidade dentro dunha iniciativa que alcanza xa a súa oitava edición.
A concelleira de Benestar Social, María Méndez, manifestou durante a visita que realizou este xoves ás instalacións da Fundación Menela en Alcabre que o convenio de colaboración que existe con esta entidade experimentará un incremento nos orzamentos do 2008 para desenvolver unha nova edición do programa Respiro Familiar.
Dentro dos actos programados polo MARCO para celebrar o seu 5º aniversario, e como actividade complementaria da exposición "Tempo ao tempo", durante esta semana está en marcha o obradoiro do artista David Lamelas, dirixido a artistas, estudantes de Belas Artes e disciplinas afíns. Este xoves David Lamelas ofrecerá unha conferencia aberta ao público na que falará da súa obra e traxectoria.