martes, 10 febreiro 2004
Corina Porro e Xosé Manuel Barreiro asinaron hoxe o protocolo de colaboración para desenvolve-las actuacións, coas que remata o saneamento da cidade

Concello e Medio Ambiente investirán preto de 6 millóns de € no saneamento de Zamáns e Valadares

A alcaldesa de Vigo, Corina Porro, e o conselleiro de Medio Ambiente, Xosé Manuel Barreiro, asinaron hoxe o protocolo de colaboración para levar a cabo as obras de saneamento das parroquias de Zamáns e Valladares. O proxecto conta cun orzamento total de 5.999.588 euros, que será financiado pola Consellería de Medio Ambiente e o Concello de Vigo, e coa súa execución rematase co saneamento da cidade.

Encontros sobre atención á infancia

martes, 10 feb 2004

A concellería de Benestar Social organiza os "Primeiros Encontros Profesionais sobre Atención á Infancia" que se desenvolverá no Instituto Municipal de Educación os días 12,19 e 26 de febreiro e 4 de marzo, no marco do Programa de Infancia . O Concello ven desenvolvendo este programa desde o ano 2001 para a intervención con menores en situación de risco.

I foro de mulleres no século XXI

martes, 10 feb 2004

A alcaldesa Corina Porro e a concelleira da Muller, Lucía Molares participarán nos coloquios que se celebrarán no "Primeiro foro de mulleres no século XXI" que organiza a Asociación Provincial de Mulleres Empresarias de Pontevedra os días 19 e 20 de febreiro no centro Cultural Caixanova.