O Concello comprometeuse a colaborar na celebración da Marcha Mundial de Mulleres, que terá lugar en Vigo o vindeiro mes de maio. A alcaldesa, Corina Porro, e mailos concelleiros de Promoción Económica, Benestar Social e Tráfico, Lucía Molares, Ignacio López-Chaves e Antonio Coello, respectivamente, reunironse hoxe cunha representación do comité organizador deste evento e coñeceron o proxecto previsto.
A Concellería de Mobilidade e Seguridade ven de realizar unha actuación na sinalización vertical e horizontal no interior e exterior do túnel de Beiramar. A sinalización atopábase en mal estado debido principalmente ao seu abandono e dispersión.
A Concellería de Turismo, que dirixe Lucía Molares, presentará a partir do vindeiro día 21 en Lisboa a oferta turística da cidade de Vigo, no contexto da feira turística máis importante de Portugal.
O luns 19 de xaneiro celebrarse un pleno de carácter extraordinario a partir das nove da mañá no que se dará conta de distintos decretos asinados pola Alcaldía.
A Xunta de Goberno Local reunese o luns día 19 unha vez remate o pleno extraordinario que se celebra tamén ese día. A Xunta tratará entre outros asuntos un estudio sobre o auditorio de Beiramar realizado pola entidade IDOM.
O próximo día 20 remata o prazo para presentar os traballos do XVIII Concurso de Carteis do Entroido.O obxecto deste concurso é seleccionar un cartel para empregar na difusión do programa do ENTROIDO 2004, que organiza a Concellería de Festas e Animación Sociocultural do Concello de Vigo. Neste concurso poderán participar todas as persoas físicas ou xurídicas, e poderán presentar, cada unha delas, cantas obras desexen, coa condición indispensable de seren inéditas.