A concellería de Vías e Obras pon en marcha unha programación de renovación e ensanche de beirarrúas da cidade priorizando as zonas de maior uso e en peor estado. O programa , que terá continuación ó longo dos orzamentos dos próximos anos, está apoiado nun estudio de diagnóstico das beirarrúas de Vigo realizado nos meses de xuño e xullo deste ano polos servicios municipais de Vías e Obras.
O Alcalde de Vigo, Ventura Pérez Mariño, recibiu hoxe ao conselleiro de Medio Ambiente, José Manuel Fernández Barreiro, quen lle explicou de primeira mán os motivos que, segundo o departamento que dirixe, xustifican o incremento de prezos que aprobou Sogama. Pérez Mariño asegurou que ata que non chegue ao Concello a comunicación oficial desta suba non fará valoracións sobre esta cuestión.
Ponse en coñecemento do público en xeral que, por mor das obras do aparcadoiro soterrado da rúa Urzáiz pecharase ó tráfico rodado a rúa Manuel Núñez no tramo desta entre as rúas Gil e Urzáiz mañá, día 8 ás 11,00 horas e por un período aproximado de seis meses.
O concelleiro de Cultura, Santiago Domínguez, anunciou hoxe os prezos de venta ó publico das entradas para os concertos festival de música Are More que se celebrará do 28 de outubro ó 19 de decembro. Os prezos varían desde ó 20 euros a 10 euros.
A activista pola paz TAL HARAN da unha conferencia en Vigo na Casa das Mulleres o martes día 7 ás 20 horas, co título "Desobediencia en Israel. Xentes e voces deconstruíndo unha sociedade militarizada".