O Consello da Xerencia de Urbanismo convocou unha sesión extraordinaria e urxente para tratar a aprobación inicial dunha modificación puntual do plan parcial do Parque tecnolóxico e loxístico de Vigo. A reunión será o venres 30 de maio ás 10:00 horas.
O alcalde en funcións, Lois Castrillo, asinou un bando que establece as normas para a realización de fogueiras en san Xoán entre as que destaca a necesidade de dispoñer da autorización pertinente.
A Concellería de Festas e El Corte Inglés patrocinan o Día da muiñeira que se celebrará o domingo 1 de xuño na rúa Venezuela con 182 grupos participantes procedentes de toda a provincia.
O programa ¿Xogas? en galego podemos leva actividades de dinamización lingüística o venres 30 de maio ás 18:30 á Ludoteca de Lavadores para que os cativos de 4 a 10 anos disfruten dun ambiente de lecer no que poidan expresarse en galego.