Escoitar

Máis de 80 actividades encherán as Noites Vivas organizadas pola Concellería de Xuventude

mércores, 19 set 2001
imx567.jpg
Presentación do programa
O concelleiro Santiago Domínguez presentou a nova programación das Noites Vivas que conta con máis de 80 actividades de lecer distribuídas en 20 instalacións repartidas en distintos lugares da cidade. Esta edición, co lema ”Estrela a túa monotonía” principiará o 21 de setembro e concluirá o 24 de novembro.

O obxectivo das Noites Vivas é ofrecerlle á mocidade obradoiros, cursos, xogos, cine, concertos e deporte para que poida pasar o tempo libre dun xeito distinto ó habitual. As actividades son libres e gratuítas e dispoñen dun presuposto de 17 millóns de pesetas.

Responsables das empresas patrocinadoras das Noites Vivas coincidiron en sinalar que o colectivo ó que está destinada esta programación é un importante centro de atención entre os seus obxectivos de público, ó que se lle brindan alternativas de ocio en horario nocturno. Trátase dun proxecto aberto, participativo e flexible e ademais integra as vocalías xuvenís das asociacións de veciños e ofrece un amplo abano de propostas.

Santiago Domínguez explicou que na anterior edición pasaron 21.340 mozos polas distintas actividades, dos 70.000 vigueses con idades comprendidas entre os 18 e 30 anos.

CIBERCASTRO
Descargar todas as imaxes