As obras dos aparcadoiros de Jenaro de la Fuente e da avenida de Castelao comezarán a finais de marzo
O alcalde, Abel Caballero, presentou este xoves os proxectos dos aparcadoiros soterrados de Rosalía de Castro, Jenaro de la Fuente e da avenida de Castelao. Xuntos soman máis de 1.500 prazas de aparcamento novas e un investimento de máis de 37 millóns de euros. Os de Jenaro de la Fuente e avenida de Castelao comezarán a executarse a finais de marzo.
O aparcadoiro soterrado de Rosalía de Castro contará cun total de 589 prazas, das que o 20% serán para residentes, e suporá un investimento de 18 millóns de euros. O de Jenaro de la Fuente terá 424 prazas, das que o 20% corresponderán a residentes, e nel investiranse 10,6 millóns. O da avenida de Castelao custará 8,6 millóns e ofrecerá o 50% das súas prazas, 405 en total, aos residentes da zona. O custo das prazas, en cesión de uso a 50 anos, será de 36.000 euros por praza en Rosalía de Castro, 23.000 en Jenaro de la Fuente e 21.000 na avenida de Castelao.
A construción destes tres aparcadoiros irá acompañada da humanización das respectivas rúas, seguindo estándares "da máxima calidade", segundo asegurou Abel Caballero, quen adiantou que "haberá pedra en todas partes" para non incidir na diferenciación entre centro e periferia da cidade.
O alcalde indicou que, ao mesmo tempo, procurarase "causar as menores molestias posibles" aos cidadáns durante a construción destes aparcadoiros. Para iso, os proxectos contemplan en primeiro lugar a execución de sotos sobre os que se colocarán lousas que servirán para restablecer o tráfico mentres por debaixo do nivel do chan continúan as obras de excavación. Con este sistema prevese que transcorran dous anos ata que os aparcadoiros estean rematados e que só haxa que "padecer" as obras en superficie por un período de 11 meses.
Os traballos de construción dos aparcadoiros da avenida de Castelao e de Jenaro de la Fuente comezarán a finais de marzo, "de forma case simultánea", segundo avanzou o alcalde, aos proxectados en Policarpo Sanz e Pintor Colmeiro. Os outros dous aparcadoiros previstos, Areal e Rosalía de Castro, comezarán a executarse máis tarde e estarán en obras practicamente ao mesmo tempo, algo que, en palabras de Abel Caballero, "vai causar molestias".
Neste sentido, o alcalde advertiu que durante os próximos dous ou tres anos vai haber en todo Vigo obras que van orixinar "molestias de tráfico bastante relevantes", polo que considerou que "haberá que pedir aos cidadáns paciencia". Á construción dos seis aparcadoiros soterrados sumaranse os traballos de humanización de varias rúas da cidade, a execución de ámbitos que o novo Plan Xeral considera de realización inmediata, como o da praza de España, ou as obras do novo Auditorio, entre outras actuacións.
Descargar todas as imaxes
A construción destes tres aparcadoiros irá acompañada da humanización das respectivas rúas, seguindo estándares "da máxima calidade", segundo asegurou Abel Caballero, quen adiantou que "haberá pedra en todas partes" para non incidir na diferenciación entre centro e periferia da cidade.
O alcalde indicou que, ao mesmo tempo, procurarase "causar as menores molestias posibles" aos cidadáns durante a construción destes aparcadoiros. Para iso, os proxectos contemplan en primeiro lugar a execución de sotos sobre os que se colocarán lousas que servirán para restablecer o tráfico mentres por debaixo do nivel do chan continúan as obras de excavación. Con este sistema prevese que transcorran dous anos ata que os aparcadoiros estean rematados e que só haxa que "padecer" as obras en superficie por un período de 11 meses.
Os traballos de construción dos aparcadoiros da avenida de Castelao e de Jenaro de la Fuente comezarán a finais de marzo, "de forma case simultánea", segundo avanzou o alcalde, aos proxectados en Policarpo Sanz e Pintor Colmeiro. Os outros dous aparcadoiros previstos, Areal e Rosalía de Castro, comezarán a executarse máis tarde e estarán en obras practicamente ao mesmo tempo, algo que, en palabras de Abel Caballero, "vai causar molestias".
Neste sentido, o alcalde advertiu que durante os próximos dous ou tres anos vai haber en todo Vigo obras que van orixinar "molestias de tráfico bastante relevantes", polo que considerou que "haberá que pedir aos cidadáns paciencia". Á construción dos seis aparcadoiros soterrados sumaranse os traballos de humanización de varias rúas da cidade, a execución de ámbitos que o novo Plan Xeral considera de realización inmediata, como o da praza de España, ou as obras do novo Auditorio, entre outras actuacións.