Escoitar

Este mércores póñense á venda as entradas para o Concerto en Familia do festival Are-More

As entradas para as dúas funcións (17.00 e 19.00 horas) do Concerto en Familia do festival Are-More 2007 "As miñas primeiras Catro Estacións", que se celebrarán o domingo 4 de novembro, poderán mercarse o mércores, o sábado e o domingo.

martes, 30 out 2007
Os horarios son os seguintes:
- Mércores 31 de outubro: até as 14.00 horas, através do servizo telefónico de Caixagalicia (902 434 443)
- Sábado 3 de novembro: de 17.00 a 20.00 horas: taquillas do Teatro Salesianos
- Domingo 4 de novembro: a partir das 15.00 horas ininterrompidamente: taquilla do Teatro Salesianos.

Por outra parte, as entradas correspondentes ás seis funcións dos Concertos para Bebés están esgotadas.

O Festival de Música de Vigo Are-More 2007 abrirase este martes da man da Capella de Ministrers, dirixida por Carles Magraner, coa ópera "L'Orfeo, fabola in musica", de Claudio Monteverdi. Será no Teatro Salesianos a partir das 20.30 horas.