Unha carreira de San Xoán para abrir o apetito
O sábado 23 de xuño, ás 21.15 horas, dará saída a XXIV Carreira Nocturna de San Xoán, organizada pola Delegación da Federación Galega de Atletismo en Vigo. A Concellería de Deportes patrocina esta proba como parte da súa colaboración coa Federación.
![1181820969atletismo140607.jpg 1181820969atletismo140607.jpg](https://xornal.vigo.org/storage/xornal-historico/medi/xornal/noticias/imx/opt/1181820969atletismo140607.jpg)
Esta colaboración plasmouse este xoves coa sinatura dun convenio por parte da concelleira, Lucía Molares, e o presidente da Delegación viguesa, Eleuterio Ángel García. O acordo establece unha achega municipal total de 18.000 e inclúe, ademais da Carreira Nocturna de San Xoán, o Gran Premio "Cidade de Vigo" de Atletismo en Pista (5 de xullo), a Carreira "Cidade de Vigo. Andar e Correr" (7 de outubro), a Serie Municipal de Atletismo en Pista (que se desputará nos meses de maio xuño e xullo) e a Carreira do Pavo (23 de decembro). A contribución económica da Concellería supón un 50% máis que a de 2006.
A Carreira Nocturna de San Xoán non variará este ano o seu percorrido: despois de saír da praza do Rei, pasará por Camelias, Pi y Margall, López Mora, a rúa Coruña e Tomás Alonso, para logo volver por Beiramar ata alcanzar a meta no Berbés.
Os corredores e corredoras serán reunidos en catro categorías: de 14 a 18 anos, de 19 a 35, de 36 a 45 e de 46 anos en diante. Para se inscribiren poden facelo no local da Delegación da Federación Galega de Atletismo en Vigo (r/ Fotógrafo Luís Ksado, 17) ou a través do seu teléfono (986 221 500) ou do seu fax (986 441 216). Os interesados tamén poden formalizar a súa inscrición na saída dúas horas antes do comezo da carreira.
Os tres primeiros clasificados de cada categoría recibirán cadanseu premio. Ademais, haberá un sorteo de regalos e sardiñada gratis para todos os participantes.
Descargar todas as imaxes
A Carreira Nocturna de San Xoán non variará este ano o seu percorrido: despois de saír da praza do Rei, pasará por Camelias, Pi y Margall, López Mora, a rúa Coruña e Tomás Alonso, para logo volver por Beiramar ata alcanzar a meta no Berbés.
Os corredores e corredoras serán reunidos en catro categorías: de 14 a 18 anos, de 19 a 35, de 36 a 45 e de 46 anos en diante. Para se inscribiren poden facelo no local da Delegación da Federación Galega de Atletismo en Vigo (r/ Fotógrafo Luís Ksado, 17) ou a través do seu teléfono (986 221 500) ou do seu fax (986 441 216). Os interesados tamén poden formalizar a súa inscrición na saída dúas horas antes do comezo da carreira.
Os tres primeiros clasificados de cada categoría recibirán cadanseu premio. Ademais, haberá un sorteo de regalos e sardiñada gratis para todos os participantes.