Vigo recolle sete bandeiras azuis
A concelleira Lucía Molares recolle esta tarde en Santiago as sete bandeiras azuis concedidas para os areais de A Punta, O Vao, Argazada, Samil, Rodas (Illas Cíes), O Tombo do Gato e Canido. A Federación Europea de Educación Ambiental concedelles as bandeiras azuis a aqueles concellos nos que se realiza un esforzo especial para o mantemento, limpeza e xestión das súas parias en consonancia co respecto polo contorno.
As últimas análises realizadas polo Laboratorio municipal demostran a boa calidade das augas dos areais vigueses. Cunha temperatura media de 19 graos centígrados, as augas que presentan resultados excelentes condicións para o baño.
Nestes días procederase ao balizado das zonas de baño e á instalación de paneis para a educación ambiental con información das características do areal, liñas de transporte público, teléfonos de interese e recomendacións para os bañistas. Estes paneis conteñen ademais os resultados das últimas análises efectuadas trala mostraxe do 14 de xuño.
Bandeiras azuis
A Bandeira Azul é un galardón á calidade ambiental concedido pola Federación Europea de Educación Ambiental a aqueles concellos nos que se realiza un esforzo especial para o mantemento, limpeza e xestión das súas praias e portos deportivos en consonancia co respecto polo medio.
Soamente os concellos poden solicitar a Bandeira Azul para as praias, en ocasións en cooperación con xestores privados de praias. No caso dos portos deportivos, tanto xestores públicos como privados poden solicitala.
Existe un terceiro tipo de Bandeira Azul, a dirixida aos usuarios de embarcacións e, en xeral, a aqueles usuarios que firmen o "Código de conducta no mar", comprometéndose ao cumprimento das normas. A campaña Bandeira Azul promove accións de carácter voluntario, así como a cooperación entre os axentes sociais de turismo e do medio.
A Bandeira Azul é válida soamente en tanto se cumpran os criterios esixidos; as praias e portos están obrigados a arriar a Bandeira Azul se estes deixan de cumprirse.
Entre os obxectivos da campaña de bandeiras azuis está aumentar a conciencia cidadá e a acción das autoridades sobre a calidade do contorno das praias e portos de Europa, e, en particular, da calidade das augas segundo a directiva 76/169/CEE. Outra finalidade consiste en ter un símbolo europeo para o recoñecemento e emulación daquelas praias e portos que alcanzan un nivel de calidade ambiental buscando un equilibrio entre o uso dos recursos naturais e o respecto polo contorno.
Para a súa concesión establécense criterios como a calidade da auga e do litoral, seguridade, servicios e instalacións e pór a disposición dos usuarios información para a educación ambiental.
Descargar todas as imaxes
Nestes días procederase ao balizado das zonas de baño e á instalación de paneis para a educación ambiental con información das características do areal, liñas de transporte público, teléfonos de interese e recomendacións para os bañistas. Estes paneis conteñen ademais os resultados das últimas análises efectuadas trala mostraxe do 14 de xuño.
Bandeiras azuis
A Bandeira Azul é un galardón á calidade ambiental concedido pola Federación Europea de Educación Ambiental a aqueles concellos nos que se realiza un esforzo especial para o mantemento, limpeza e xestión das súas praias e portos deportivos en consonancia co respecto polo medio.
Soamente os concellos poden solicitar a Bandeira Azul para as praias, en ocasións en cooperación con xestores privados de praias. No caso dos portos deportivos, tanto xestores públicos como privados poden solicitala.
Existe un terceiro tipo de Bandeira Azul, a dirixida aos usuarios de embarcacións e, en xeral, a aqueles usuarios que firmen o "Código de conducta no mar", comprometéndose ao cumprimento das normas. A campaña Bandeira Azul promove accións de carácter voluntario, así como a cooperación entre os axentes sociais de turismo e do medio.
A Bandeira Azul é válida soamente en tanto se cumpran os criterios esixidos; as praias e portos están obrigados a arriar a Bandeira Azul se estes deixan de cumprirse.
Entre os obxectivos da campaña de bandeiras azuis está aumentar a conciencia cidadá e a acción das autoridades sobre a calidade do contorno das praias e portos de Europa, e, en particular, da calidade das augas segundo a directiva 76/169/CEE. Outra finalidade consiste en ter un símbolo europeo para o recoñecemento e emulación daquelas praias e portos que alcanzan un nivel de calidade ambiental buscando un equilibrio entre o uso dos recursos naturais e o respecto polo contorno.
Para a súa concesión establécense criterios como a calidade da auga e do litoral, seguridade, servicios e instalacións e pór a disposición dos usuarios información para a educación ambiental.