O Concello mellora a contorna da capela do cemiterio de Beade
A Xunta de Goberno Local adxudicou as obras de pavimentación da área situada fronte ao templo relixioso por un importe de 36.000 euros.
As actuacións proxectadas solucionarán a deterioración provocada na zona axardinada polo efecto da choiva e terán un prazo previsible de execución dun mes.
Caballero explicou que o proxecto contempla a construción de bordos de pedra para delimitar todo o perímetro da capela para poder conter a terra , así como un sistema de canalización de augas pluviais. “Contará cunha superficie regular, estable e homoxénea”, explicou.